15 49.0138 8.38624 arrow 0 both 0 4000 1 0 horizontal https://telefoniya.az/blog 300 1
sticky-logo

Telefoniyanın CRM – ə inteqrasiyası şirkətlərə nə verir?

Telefoniyanın CRM sistemlərinə inteqrasiyası şirkətlərə bir sıra üstünlüklər gətirir. Məqaləmizdə telefoniyanın istifadəsinin əhəmiyyəti, onun CRM sistemi ilə birgə biznesinizə gətirəcəyi funksional imkanlardan bəhs olunmuşdur.

Telefon danışıqları hələ də satış meneceri ilə müştərilər arasında ünsiyyət qurmaq üçün əsas vasitədir.

Telefoniyanın CRM sisteminə inteqrasiyasız istifadə edilməsi çox da effektiv olmur.  

Bəs inteqrasiya şirkət üçün nələr verir?

İlk növbədə, nəzarət. Danışıqların qeyd edilməsi və bütün zənglərin qeydə alınması müştərilərlə işin keyfiyyətini yaxşılaşdırmağa kömək edir. Bütün zəngləri yoxlamasanız belə, menecerlər məsuliyyət hiss edəcəklər və çox səliqəli danışacaqlar.

İkincisi, ünsiyyət tarixinin qorunması. Telefon danışıqlarında ya vacib qərarlar qəbul edilir, ya da kritik səhvlər edilir. IP-telefoniyanın CRM-ə inteqrasiyası menecerin işini tam izləməyə imkan verir.

Üçüncüsü, ağıllı yönləndirmə. CRM müştərinin artıq hansı menecerlə əlaqə saxladığı barədə məlumatları özündə saxlayır, deməli ATS istənilən şəxsə zəng göndərəcək. Beləliklə, katibin işinin ixtisarı ilə yanaşı, müştərinin loyallığı da artır.

Dördüncüsü, avtomatlaşdırma. Hər bir zəng CRM sistemində qeyd olunacaq, və buraxılmış zənglər haqqında bildirişlər menecerə zəng etməyi xatırladacaq. Bu, işçilərin əlçatmazlığı və ya unutqanlıq səbəbindən baş verən müştəri itkilərini azaldır.

Və nəhayət, ən əsas üstünlüklərdən biri – müştərilərə birbaşa CRM-dən zəng etmə imkanına sahib ola bilərsiniz.

Telefonu başqa bir cihazda yığmağa və ya telefon kitabçasında axtarış etməyə ehtiyac yoxdur, yalnız kompüterdə bir klik kifayətdir.    

Sizə maraqlı ola bilər: S seriyalı ATS-lər üçün Yeastar 4G LTE modul